Бројот на пациенти во француските болници достигна врв во претходните девет недели – 27.613, во време кога земјата се затвора за речиси сите патувања во речиси сите земји надвор од Европската Унија.
Овој број го достигна нивото што последен пат беше видено на 1 декември, пишува „Ројтерс“, пренесува „Гардијан“.
Франција, која вчера забележа 195 смртни случаи, вчера регистрираше 19.235 заразени со ковид, а бројот на лица на интензивна нега е поголем за 45 и изнесува 3.158.
Мали се шансите да се избегне третиот локдаун во Франција, но владата ќе стори сè што може за да го избегне тоа, изјави владиниот портпарол Габриел Атал.
Тој за радиото Франсинфо изјави дека е охрабрувачки што минатата недела има пад на бројот на новозаболени лица, објави „Ројтерс“.
Франција е шеста земја во светот според бројот на заразени со Ковид-19, со речиси 3,2 милиони заразени, покажуваат податоците на страницата worldometers.info.
