Олимпискиот првак Фрација ќе ги одмери силите против селекцијата на Соединетите Американски Држави во финалето на одбојкарската Лига на нации. „Триколорите“ вечерва во Болоња ја декласираа Италија со 3:0 во сетови. Можеби тоа никој од домашните фанови не го очекуваше, но француските одбојкари беа доминантни во секој поглед.
Првиот сет го добија со 25:22, а потоа полека се кршеше отпорот на Италијанците. Вториот сет го доби уште полесно Франција со 25:20, а во третиот ги декласира „аѕурите“ со 25:15.
Соединетите Американски Држави претходно славеа со 3:0 во сетови против Полска. Првиот сет им припадна со 25:22, најголема борба имаше во вториот сет (25:23), а третиот беше еднонасочна улица (25:13).
Во борба за третото место ќе се сретнат поразените селекции на Италија и на Полска.