Граѓаните на Велика Британија, Шпанија, Португалија, Кипар, Грција и Холандија кои сакаат да влезат во Франција ќе мора да направат негативен ПЦР тест за коронавирус не постар од 24 часа, објави француската влада.
Во соопштението на премиерот Жан Кастекс се вели дека мерката, која се однесува на невакцинираните патници, ќе стапи на сила на полноќ.
Тунис, Мозамбик, Куба и Индонезија се исто така на „црвената листа“.
Досега, Британците мораа да направат тест за Ковид-19 не постар од 48 часа, додека за Шпанците, Португалците, Кипарците, Грците и Холанѓаните, тој период беше 72 часа.
Франција бележи брз пораст на бројот на заболени од коронавирус.
