Утрински Весник
Магазин

Фотографија од Макрон и Путин стана предмет на шеги на „Твитер“

Фотографија од Макрон и Путин стана предмет на шеги на „Твитер“
Dik 300x250 mk

Рускиот претседател Владимир Путин синоќа во Москва се сретна со францускиот претседател Емануел Макрон. Фотографиите од нивната средба го обиколија светот, а една особено привлече внимание, па стана предмет на шеги на Твитер.

„Почитуван господине претседателе, драг Емануел, многу ми е мило што те видов“, му рекол Путин на Макрон на почетокот на протоколарниот дел од разговорот. Двајцата лидери седеа во огромна сала на тркалезна маса еден спроти друг.

Корисниците на социјалните мрежи ја споделија фотографијата со различни коментари и монтажи.

На една монтажа се гледа црна мачка зад Путин и бела мачка зад Макрон. Втора монтажа си поигра со лидерите и „Тајната вечера“, а трета ги прикажува Макрон и Путин како гледаат стриптиз настап.

На следната монтажа беше направено да изгледа дека Џо Бајден, американскиот претседател, седи меѓу нив двајца и јаде сладолед.

Во една од хумористичните монтажи се прикажани двајца лидери со огромни мегафони, што е упатување на фактот дека седеле далеку еден од друг дека „можеби не слушнале што зборува другиот“. Корисниците на социјалните мрежи напишаа бројни коментари над фотографијата, како „Можеш ли да ме додадеш“, „Врска на далечина“, „Најдобри пријатели“ ….

Лидерите беа прикажани и како играат тенис.

Корисник на Твитер ја искористи и легендарната фотографија на Берни од инаугурацијата на Бајден, каде што тој седи во јакна, со маска на лицето и волнени ракавици.

Можете да прочитате

Хороскопски знаци кои навидум изгледаат смирено

Утрински Весник

„Гугл“ привремено го отстрани новиот ВИ-модел „Џема“ поради халуцинации и лажни податоци

Утрински Весник

Седмо издание на „Андерфест“ – рок енергија што расте секоја година

Утрински Весник