Договорот меѓу Европската Унија и „Астразенека“ за нејзината вакцина против коронавирус содржи обврзувачки одредби, рече претседателката на Европската комисија, Урсула фон дер Лаен, и побара објаснување од производителот на лекови за доцнења во испораката.
Таа за радио „Дојчландфунк“ рече дека договорот содржи многу јасни количини на испорака за декември и првите три квартали од 2021 година, а исто така спомена и четири производствени погони, од кои два се во Велика Британија, пренесува „Ројтерс“.
„Постојат обврзувачки одредби и договорот е кристално јасен“, рече Фон дер Лаен.
