Скопје, 22 април 2020 (МИА) – Расте бројот на излекувани пациенти и тоа охрабрува и е дополнителна мотивација за лекарите во болниците и за матичните лекари. Излекувани се вкупно 272 досега, а од нив најнови се 48, од кои шест се лекувале во болница и 42 во домашни услови, соопшти министерот за здравство Венко Филипче попладнево на онлајн прес-кпонференција заедно со премиерот Оливер Спасовски.
За новите меки мерки Филипче рече дека се, всушност, зајакнување на превентивните мерки, нагласувајќи дека е многу важно носењето прекивка на дишните патишта за, како што рече, да се одржува стабилниот тренд и линераниот пораст на пациенти.
Во изминатото деноноќие направени се 660 тестови, а вкупно досега во земјава се направени 13 000 тестирања на КОВИД-19. Во врвот во регионот сме по направени тестови, а уште повеќе ќе се скрати времето на чекање на резултатите зашто од вчера во функција е и лабораторијата во МАНУ.
Од денеска на Инфективна клиника, рече Филипче, поддршка на нашиот тим доброволно дава и кардиологот д-р Игор Палевски од универзитетската болница во Марибор, кој има големо искуство. Министерот му се заблагодари за придпнесот.
Филипче соопшти дека Државниот санитарен инспекторат денеска го завршил увидот во Велес и утврдени се наоди, а утре ќе биде направен конференциски разговор со директорот на Ценгарот за јавно здавје и на одделенија за да се одлучи како ќе се постапува понатаму.
Завршила и инспекција на Клиниката за онкологија, каде има осум позитивни вработени и 20 што биле во контакт со нив се во изолација. Работата таму е во фунцкија и е направена реорганизација. До петок или до понеделник ќе има нов распоред за делење на терапија за пациенти во Штип и во Тетово, како најголеми центри, за да не патуваат до Скопје.
Во изминатите 24 часа потврдени се 28 нови случаи со КОВИД-19, од кои 11 се во Скопје, девет во Прилеп, тројца во Велес, по двајца во Куманово и Тетово и првпат еден дијагностициран во Валандово. Во ГОБ „8 Септември“ почина 51-годишен пациент од Скопје, кој во болницата бил примен на 9 април во тешка состојба и веднаш поставен на респиратор. хс/са/
