Министерот за здравство Венко Филипче на денешната прес конференција, по новинарско прашање околу вакцинација на министри во земјава и странство, истакна дека досега не е вакциниран ниту еден министер од Владата.
„Ниту еден министер не е вакциниран и тоа одговорно го кажувам и тврдам. Жал ми е што овие лажни вести потекнуваат од ВМРО-ДПМНЕ. Покрај сите предизвици што секојдневно ги имаме во борбата да се зајакне здравствениот систем и да им се излезе во пресрет со барањата на пациентите, жалам што се бориме и со лажните вести на ВМРО-ДПМНЕ. Не најдоа ни сила, ни храброст, ни доблест некако да помогнат“, рече Филипче.
