Утрински Весник
Спорт

Ферстапен не го штедеше Хамилтон: Во Силверстоун го покажа своето вистинско лице

Ферстапен не го штедеше Хамилтон: Во Силверстоун го покажа своето вистинско лице
Dik 300x250 mk

Макс Ферстапен ја одби понудата за смирување со Луис Хамилтон пред Унгарското ГП овој викенд, повторувајќи го својот став за контроверзниот судир од Британското ГП пред две недели.

Возачот на Ред бул се судри со Хамилтон на брзата патека во Силверстоун во директна борба за позиција, и беше лут што возачот на Мерцедес ја славеше победата (и покрај казната од 10 секунди) додека тој бил во болница.

„Се работи за целата реакција на тимот. Така не славиш победа, посебно победа која си ја добил на таков начин. За мене тоа покажа крајно непочитување и ги прикажа во вистинско светло. Да, тоа беше ситуација под притисок, но јас не би сакал да бидам виден така. Би бил премногу вознемирен да прославувам“, вели Ферстапен.

Хамилтон инсистира дека се обидел да го добие Ферстапен во болницата откако ја слушнал лутината на Холанѓанецот.

„Му се јавив на Макс по трката да проверам дали е океј и да му кажам дека го почитувам. Но, тоа не беше возвратено и тоа е океј. Не сметам дека покажавме непочитување. Знаевме дека тој е добро. Знаев дека е во болница, но го видов како излезе од болидот. Никој не сака да види повреден ривал“, објасни Хамилтон.

> Ферстапен не го штедеше Хамилтон: Во Силверстоун го покажа своето вистинско лице <

Можете да прочитате

Синер доби рекет од три килограми направен од чисто злато по освојувањето на „Сикс Кингс Слем“

Ѓоковиќ обезбеди учество на завршниот Мастерс

Македонската репрезентација две места подолу на ФИФА рангирањето