ФБИ соопшти дека уапсила сериски убиец за кој верува дека е одговорен за убиство на шест лица и ранување на уште две низ Мисури и Канзас.
Перез Рид (25) е уапсен во петокот откако се симнал од воз во Индепенденс, Мисури, се вели во соопштението на ФБИ.
Инспекторите рекоа дека Рид имал билет за патување од Сент Луис и дека со себе носел пиштол калибар 40 во моментот на апсењето.
„ Овој калибар се совпаѓа со чаурите од огнено оружје пронајдени во нерешените престрелки во градот и округот Сент Луис во септември 2021 година“, се вели во соопштението.
„Најмалку шест жртви беа застрелани, четири смртоносно, од ист калибар“, се додава.
Си-Ен-Ен побара коментар од адвокатот на Рид. Рид во петокот се согласил да одговори на прашањата на агентите и ги отфрлил сите наводи дека повредил некого, се наведува во неговата изјава пред судот во Мисури.
Жртвите биле застрелани меѓу средината на септември и крајот на октомври, според временскиот распоред наведен во неговата изјава. Рид живеел во Сент Луис, но отпатувал во Канзас Сити, додава ФБИ.
