Радовиш, 24 април 2020 (МИА) – Во акција на Шумската полиција и полициски службеници од Полициската станица во Радовиш денеска е откриен дрвокрадец, кој со запрега превезувал буково огревно дрво.
Дрвокрадецот е откриен на влезот во Радовиш од планината Плачковица на улицата „Коџа Баир“.
Во реализирањето на акцијата присуствуваше и градоначалникот на Радовиш, Герасим Конзулов.
-Како градоначалник и општина силно ги поддржуваме акциите за откривање дрвокрадци. Апелирам до граѓаните да не купуваат дрва од дрвокрадци и со тоа да дадат свој придонес во спречувањето на дрокрадството, рече градоначалникот Конзулов.
Во последниот период, посебно кога во сила е забраната за движење на граѓаните, зачестија кражбите на огревно дрво во Струмичко и Радовишко, но засилени се и контролите од страна на Шумската полиција и притоа се откриени повеќе дрвокрадци. рт/цр
