Утрински Весник
Македонија

Учесници од девет земји ќе продефилираат на Интернационалната карневалска вечер во Струмица

Учесници од девет земји ќе продефилираат на Интернационалната карневалска вечер во Струмица

Струмица, 21 февруари 2020 (МИА) – Вкупно 46 поединечни и групни карневалски маски од земјава, но и од Србија, Црна Гора, Бугарија, Хрватска, Босна и Херцеговина, Грција, Италија и Германија ќе продефилираат на Интернационалната карневалска вечер која се одржува во рамките на Струмичкиот карневал на 29 овој месец и е главен карневалски настан.

Од Организацискиот одбор на карневалот информираат дека во поворката ќе продефилираат над 1.200 маскирани лица, кои пред стручното жири ќе ги претстават своите карневалски креации.

Домаќините ќе се претстават со најмногу маски, а покрај учесниците од странство ќе настапат и карневалисти од Радовиш, Кавадарци, Пробиштип и Куманово.

Осумдневните карневалски празнувања во Струмица почнуваат в среда, на 26 февруари, со традиционалното предавање на клучот од градот на карневалистите од страна на градоначалникот на Струмица.

Годинава Струмичкиот карневал одбележува триесет години од организираното одржување, а јубилејот ќе се одбележи под мотото „Струмички карневал-30 години ѕвезда под небото“. рт/дма/

Извор: mia.mk

Можете да прочитате

Мицкоски: Граѓаните чувствуваат горчина поради отстапките, ни ветуваа чуда, а ние баравме обични работи

Претседателката Сиљановска Давкова: Не го разбирам потегот на Таравари да излезе од влада

Портокалово предупредување: Попладневен виор од север ќе донесе заладување