Украинскиот министер за енергија Херман Халушенко изјави дека земјата прави се’ што е во нејзина моќ за да го врати снабдувањето со електрична енергија во Чернобил што е можно поскоро.
Министерот истакна дека е потребна електрична енергија за одржување на механизмите за ладење во складиштето на потрошеното нуклеарно гориво, пренесува Си-Ен-Ен.
Халушенко објасни дека има неколку далноводи за електраната, а последниот е уништен како резултат на гранатирање цивили вчера.
Меѓународната агенција за атомска енергија (МААЕ) соопшти дека добила известување од Украина дека Чернобил останал без струја, но дека не гледа дека е загрозена безбедноста на електраната.
