Најмалку 33 тела се извлечени од урнатините по руските воздушни напади врз украинскиот град Чернихив, соопштија украинските спасувачки служби. Според претходниот биланс загинале 22 лица.
Спасувачките напори се привремено прекинати поради силното гранатирање на областа. Регионалниот гувернер на Телеграм објави дека се погодени две училишта и приватни куќи. Украинците обвинуваат дека цел на нападот била станбена зона.
Руската инвазија на Украина влезе во својата втора недела.
Влошена е и хуманитарната состојба. Повеќе од еден милион луѓе побегнаа надвор од границите на Украина, а многумина се раселени во земјата.
