Украина воведе привремена забрана за влез во земјата за повеќето странски државјани до 28 септември и ги продолжи карантинските мерки до крајот на октомври.
Премиерот на Украина, Денис Шмигал, на владината седница изјави дека властите треба да донесат одлука утре за тоа дали да забранат одржување на големи јавни собири во септември, пренесува „Ројтерс“.
Според најновите податоци од Универзитетот „Џон Хопкинс“, од почетокот на пандемијата во Украина се потврдени околу 111.000 случаи на Ковид-19, од чии последиците починале повеќе од 2.300 луѓе.
