Битола, 20 мај 2020 (МИА) – Универзитетот „Св. Климент Охридски“-Битола донесе одлука со која на студентите им се овозможува продолжена јунска и септемвриска испитна сесија.
На вонредна седница на Управата на УКЛО-Битола извршена е измена на Студентскиот календар и посочени се можностите за полагање во продолжени рокови.
-Студентите на УКЛО со една пријава можат да полагаат во два термини. Исто така, во пролонгираните рокови предвидени се и колоквиумски недели. На овој начин се пополнува празнината со „изгубената“ сесија и УКЛО им излегува во пресрет на барањата на студентите, изјави проректорот за настава, проф. д-р Љупче Кочоски.
Студентскиот календар е објавен на веб страницата на Универзитетот uklo.edu.mk и на веб страниците од единиците на УКЛО.мт/са/
