Утрово во 5 и 50 часоте укината забараната за тешки товарни возила на патниот правец крак Стража – Кичево во двата правци, што беше воведена поради врнежи од снег.
Од 04 часот на регионалниот пат Велес – Прилеп, премин „Плетвар“, сообраќајот се одвива нормално за сите видови моторни возила.
Забраната на патниот правец крак Маврово – Дебар останува да важи.
АМСМ информира дека сообраќајот на државните патишта се одвива по влажни коловози.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
