Угостителските објекти од четрток ќе работат до 21 часот

Донесена е одлука угостителските објекти да работат до 21 часот, наместо до 18 часот како што беше претходно.

За ова информираше министерот за здравство, Венко Филипче на социјалните мрежи.

„Денеска на седница на Влада, усвоивме предлог, од 21 јануари работното време на угостителските објекти да биде до 21 часот“, соопшти Филипче.

Тој најави и дека следната недела, по анализирање на епидемиолошката состојба во земјата, можно е дополнително олабавување на мерките, односно работното време на угостителските објекти да биде до 23 часот.