Ибица, 28 мај 2020 (/) – Туристите кои ќе сакаат да ја посетат Ибица, ќе мора да имаат „Ковид-19 фри сертификат“, за да докажат дека не се инфицирани, изјави денеска претседателот на Советот на островот, Винсент Мари.
Мари додаде дека овие сертификати ќе бидат основен дел од континуираната борба на Шпанија против новиот коронавирус ова лето, кога ќе почне сезоната за туристите.
Шпанскиот премиер Педро Санчес, претходно изјави дека странските туристи ќе можат да доаѓаат во Шпанија од јули.
Ибица е омилена дестинација на Британците, кои генерираат четвртина од вкупниот приход на Островот, а ноќните клубови се очекува да бидат отворени за странските туристи по укинувањето на карантинот. ки/ми/
