Тројца здравствени работници во Норвешка, кои неодамна примиле вакцина против Ковид-19 на „Астразенека“, се лекуваат во болница поради згрутчување на крвта, соопштија норвешките здравствени власти.
Норвешка престана да ја користи вакцината во четвртокот, а сличен потег направи и Данска. Исланд подоцна го следеше нивниот пример.
„Не знаеме дали случаите се поврзани со вакцината од ова компанија“, рече Сигурд Хортемо од Норвешката агенција за лекови. Сите три лица се на возраст под 50 години. Европскиот регулатор на лекови „ЕМА“ ќе ги испита трите инциденти “, додаде тој.
Пред превземените чекори од Данска и Норвешка, Австрија престана да користи вакцина од компанијата „Астразенека“ додека истражуваше смртни случаи од нарушена коагулација и случај на белодробна емболија.
Сепак, од „ЕМА“ во четвртокот изјавија дека придобивките од вакцината ги надминуваат нејзините ризици и дека вакцината може да продолжи да се користи.
