Националното првенство во триатлон во Дојран ќе се одржи на 20 септември, недела.
Натпреварувањето кое ќе се бодува за шампионат на Македонија во триатлон е во организација на Триатлон Федерацијата на Македонија и на Општина Дојран. Помагатели се Агенцијaта за млади и спорт и Олимписки комитет на Северна Македонија.
На настанот ќе има над 80 учесници во 12 категории.
Организаторите ги повикуваат сите учесници на настанот, без исклучок, да ги почитуваат протоколите и мерките за заштита од Ковид-19.
„Носењето маска, пред и по трката, е задолжително. Избегнувајте групирање, одржувајте физичка дистанца и редовно дезинфицирајте ги рацете на пунктовите кои ќе бидат поставени за таа цел“, апелираат организаторите.
> Триатлон првенство на 20 септември во Дојран <
