Мадрид, 15 април 2020 (МИА) – Раководството на шпанскиот фудбалски прволигаш Атлетико Мадрид, е заинтересиран за напаѓачот на Арсенал, Александар Лаказет, како една од трансфер целите, пренесува „АС“.
Според шпанскиот портал, трансферот на 28-годишниот Французин во мадридскиот клуб зависи од тоа дали Диего Коста ќе ги напушти „јорганџиите“. Пријавено е дека во случај на продажба на Шпанецот, Атлетико ќе се фокусира на преговори за Лаказет.
Во сезоната 2019/20, Лаказет има девет голови и три асистенции на 26 натпревари за Арсенал.
Порталот „Transfermarkt.com“ ја проценува вредноста на Французинот на 48 милиони евра. зс/
