Шеесетгодишен велосипедист е тешко повреден во сообраќајна несреќа што се случила вчера во Скопје.
Според информациите на МВР, вчера во 13.50 часот било пријавено дека на бул.„Босна и Херцеговина“ во Скопје, автомобил „бе-ем-ве“, со скопски регистарски ознаки, управувано од А.Х.(23) од Скопје, удрило во велосипедистот Ф.Д.(60) од Скопје.
Во незгодата, со тешки телесни повреди се здобил велосипедистот, констатирани во Комплексот клиники „Мајка Тереза“. Извршен бил увид на местото на незгодата од увидна екипа од СВР Скопје.
