Наместо да се смеете на нашиот модел на борба против ковид-19, подобро би било да научите нешто од нашето искуство, вели шведскиот епидемиолог Андре Тенгел.
Тој во отворено писмо вели дека карантинот и другите ограничувања кои ги вовеле сите европски земји можат да функционираат само во краток период, а на долг период подобар е шведскиот модел.
Шведската влада не воведе рестриктивни мерки, туку само даде упатства на граѓаните како да се однесуваат, што како последица има голем број заразенуи и починати од коронавирус, отколку во земјите кои воведоа карантин.
Во писмото се објаснува дека шведскиот модел не е исто она што го примениле во САД и Бразил, ниту е модел секој да се грижи за себе, туку е модел сите за сите.
„Шведскиот модел на одбрана од коронавирусот има историски корени и се базира на идејата дека секој треба да учествува во одбраната ( не само од заразата, туку и во други ситуации) и секој да даде свој придонес. На долг рок ќе се покаже дека шведскиот модел е подобар, бидејќи строгите мерки, црваната зона и карантинот можат да се применат само краткотрајно, тврди тој.
„ Да се спротивставиш на кризата која трае долго или се враќа во бранови, е можно само со одговорно учество и однесување на сите граѓани“ пишува во писмото од Стокхолм, кое го објави онлајн магазинот „Политико“.
Текстот Тенгел: Наместо да се смеетe на шведскиот модел, научете нешто од нас е превземен од МАКФАКС.
