Лондон, 20 мај 2020 (МИА) – Европската фудбалска асоцијација го одложи состанокот на извршниот комитет затоа што не доби гаранции од лондонските власти дека градот е подготвен да биде домаќин на натпреварите на Европското првенство на стадионот „Вембли“ во 2021 година, пренесува „Тајмс“.
Слична е ситуацијата со Амстердам.
Во март, УЕФА одлучи да го одложи Европското првенство за 2021 година поради пандемијата на коронавирус.
Ова е прво Европско првенство, кое нема да се одржи на територијата на една или две соседни земји. Планирано е натпреварите да се играат во Баку, Лондон, Будимпешта, Минхен, Копенхаген, Даблин, Билбао, Рим, Амстердам, Санкт Петербург, Букурешт и Глазгов. зс/
