Таткото на супермоделите Џиџи и Бела Хадид, Мохамед Хадид (71), се пожали дека огромен товар за него е тоа што е татко на селебрити личности и дека често пати луѓето го вознемируваат.
Мохамед тврди дека одбил многу деловни можности поради угледот на неговите славни деца и тврди дека многу луѓе не го ценат доволно поради неговото потомство.
„Луѓето не ме гледаат како Мохамед Хадид“, изјави 71-годишниот бизнисмен за списанието „Тајмс“. „Тие ме гледаат како татко на Џиџи и Бела и Анвар и Алана и Мариела“.
Тој додаде: „За мене е опасно да бидам нивни татко. Морам да бидам многу внимателен. Сè што правам е одраз на нив. Луѓето ги користат моите деца како инструмент за вознемирување.“
