Судот на Фиџи денеска пресуди дека Соединетите Држави можат да запленат суперјахта во сопственост на руски олигарх, објавија медиумите 21 ден откако луксузниот брод пристигна во оваа островска држава на Тихиот Океан, по што беше приведен од локалната полиција.
Американските власти тврдат дека „Амадеа“ е во сопственост на рускиот олигарх Сулејман Керимов, кој е под санкции на САД и на Европската Унија, пренесува „Ројтерс“.
Работната група „Клепто Капчер“ на американското Министерство за правда се фокусираше на запленување јахти и друг луксузен имот во сопственост на богати Руси со цел да се изврши притисок врз рускиот претседател Владимир Путин да ја запре војната во Украина со запленување на имотот и парите на руските олигарси.
Адвокатите кои ги застапуваат интересите на сопственикот на јахтата од канцеларијата на Ханиф Туитога не одговорија на барањето на „Ројтерс“ за коментар, но медиумите објавија дека адвокатите на сопственикот на јахтата „Амадеа“ потврдиле дека ќе бараат привремен престој за да спречат бродот да биде влечен.
Луксузниот брод „Амадеа“ пристигна на Фиџи минатиот месец по 18-дневно патување низ Пацификот од Мексико.