Процедурата е завршена и во петок ќе се одржи церемонијата за заклетва на новата претседателка на Врховниот суд на РСМ, Беса Адеми, изјавија за „Порталб.мк“ од Судскиот совет. Жалбената процедура за избор на претседател на Врховниот суд е завршена.
Судскиот совет на 12 февруари, со 12 гласови „за“ и еден „против“ ја избра судијката Беса Адеми за нова претседателка на Врховниот суд. Противкандидати на Беса Адеми за претседателската функција беа Лидија Неделкова и Џемали Саити.
Судијката Адеми доаѓа на местото на досегашниот в.д. претседател на Врховниот суд Фаик Аслани, кој беше назначен на оваа позиција на 10 септември 2019 година.
Мандатот на претседателот на Врховниот суд трае четири години, при што Беса Адеми има законска можност да се кандидира за втор избор на истата функција за четири дополнителни години.
