Струмица, 15 јуни 2020 (МИА) – ЈПКД „Комуналец“ ќе поднесе барање до Советот на општина Струмица за ослободување од плаќање на сметките на компаниите кои не работеа или сè уште не работат поради корона кризата, соопшти денес директорот Зоран Горгиев.
-Ќе поднесеме барањето до Советот на општината за да го разгледа на некоја од наредните седници. Барањето се однесува за компаниите кои не работат од 15 март, од прогласувањето на вонредната состојба, па се до денес, односно кога почнаа да отворат пред извесно време, но и за тие кои понатаму не работат, додаде директорот Горгиев.
Според него барањето е подготвено заедно со компаниите, кои се нивни корисници и штом биде прифатено од Советот на општината истото ќе се реализира. рт/дма/
