Страшна несреќа се случила во саботата наутро во австрискиот град Линц, кога 49-годишен маж паднал во топол базен со цинк и сега е во животна опасност.
Во несреќата тешко е повреден државјанин на БиХ, кој со спасувачки хеликоптер е префрлен во Виена.
Граѓанин на Босна и Херцеговина работел на демонтирање на топла поцинкувана постројка на компанија од Линц. Се наоѓал на импровизирано скеле кога наеднаш од непозната причина изгубил рамнотежа.
Несреќниот човек паднал во два метри длабок и 450 степени топол базен со цинк и потонал до колковите.
Други работници скокнале да помогнат, го извлекле и повикале брза помош. Тој е пренесен во Виенската општа болница (АХХ) со повреди опасни по живот.
