Владата на САД соопшти дека нема да дозволи странските студенти да останат во земјата во случај универзитетите во кои се запишани да одлучат да ја започнат новата академска година, односно есенскиот семестар, со онлајн часови.
Во тој случај, на новите студенти ќе им биде забрането да влезат, а оние што се веќе во САД ќе треба да ја напуштат земјата.
„Американската влада нема да им издава визи на студентите запишани во програми што наесен ќе се одвиваат исклучиво преку интернет и граничните службеници нема да им дозволат да влезат во територијата на САД“, соопштија од американската администрација за имиграција и царинска управа (ICE).
Што се однесува до странските студенти кои веќе се во САД, тие ќе мора да ја напуштат земјата или да преземат други чекори и, на пример, да се запишат во високообразовна институција каде што наставата ќе се одвива нормално за да го задржат својот легален статус“, објаснува ICE.
