Европска Унија и НАТО не можат индивидуално да се справат со предизвиците поставени од Русија, па затоа мора да работат заедно, рече генералниот секретар на НАТО, Јенс Столтенберг, на отворањето на вториот ден од седницата на министрите за надворешни работи на земјите од Алијансата, на која исто така учествуваат претставници на ЕУ.
„Денес зборуваме за Русија со нашите клучни партнери Шведска, Финска и Европската Унија. Сите се соочуваме со исти предизвици (кои доаѓаат) од Русија. Никој од нас не може да се справи со тоа самостојно, но заедно можеме да се дополниме“, рече Столтенберг.
Министрите за надворешни работи на НАТО денеска одржуваат состанок за Русија во рамките на дводневниот самит во Брисел. Тоа ќе биде прв личен состанок на министрите на НАТО по повеќе од една година.
Како што претходно објави Министерството за надворешни работи на Велика Британија, шефот на британската дипломатија, Доминик Раб, ќе ги повика сојузниците на НАТО да ја натераат Русија да ги почувствува вистинските последици од нејзината непријателска активност.
