Српскиот фудбалски сојуз (ФСС) нема да реагира на најавите од Косовскиот фудбалски сојуз (ФФК) дека ќе се жалат до УЕФА за прославата на српските фудбалери по пласманот на Светското првенство во 2022, велејќи дека се работи за „демагошка приказна за локална употреба“.
Косовците ќе се жалат на Србите поради истакнување на националистички симболи преку нивнтие маици, отпеаните песни и покажувањето на три прста. Според нив, во песната „Весели се српски роде“, која ја пееја фудбалерите се споменуваат градови во две соседни држави – Призрен на Косово и Румија во Црна Гора, што ја докажува „српската шовинистичка“ политика.
Покрај тоа, спорни се и маичките кои ги носеа српските фудбалери по победата во Лисабон, каде што се гледа мапа на Србија во која е вклучено и Косово.
Во Србија сметаат дека Косовците немаат причина за овој потег, бидејќи ниту една од забелешките не била внесена во извештајот на делегатот на натпреварот.
“The FFK will file a complain to UEFA regarding the action of Serbian footballers, who after the match with Portugal appeared in shirts with irredentist & nationalist inscription.”
via FFK pic.twitter.com/vxIxcI6bBB
— Kosovan Football ?? | ? (@kosovanfooty_EN) November 15, 2021
> Србија не ја коментира жалбата на Косово за „шовинистичките“ маички и песни <
