Струмица, 14 март 2020 (МИА) – Салите „Парк“ и „Партизан“, како и тие во средните училишта во општина Струмица се затворени и се почитува одлуката на Владата, информира Ристо Секулов, општинскиот овластен инспектор за спорт.
Тој контролата ја извршил синоќа, а покрај салите извршил инспекција и во вежбалниците, кои исто така не работеле.
-Утврдив дека сите се затворени и ја почитуваат одлуката на Владата и Министерството за здравство, рече Секулов.
Додаде дека контролите ќе продолжат и потсети дека за непочитување на одлуката се одговара според Кривичниот законик. рт/рп/
