Македонски државјанин на 25-годишна возраст е спасен, а по уште две лица се трага во Посиди на Халкидики.
Како што пишува „Еуроњуз“ трите лица се капеле на плажа, кога силните струи ги повлекле и постепено исчезнале од видното поле на останатите.
Спасувачите го лоцирале едното момче кое, како што раскажуваат очевидците, испило многу вода и било пренесно во болница, но по укажаната прва помош опасноста била избегната.
Акцијата ја отежнуваат неповолните временски услови и силниот ветер, пишуваат локалните медиуми. Во спасувачката акција учествуваат брод на крајбрежната стража, хеликоптер на воздухопловните сили, рибарски брод и волонтери од грчкиот спасувачки тим.