Синоќа околу 21 часот низ центарот на Брчко (БиХ) прошетал маж носејќи автоматска пушка, пишува „nezavisne.com“.
Според информациите, мажот потоа влегол во кафуле на Трг младих, од каде гостите веднаш се разбегале. Вооружениот кратко потоа влегол во возилото и се оддалечил во непознат правец.
Од полицијата на округот потврдија дека примиле неколку пријави и дека набрзо потоа го уапсиле осомничениот.
„Полицијата на округот Брчко на Босна и Херцеговина за многу кратко време го пронајде лицето и го лиши од слобода“ – изјавила Џевида Хукичевиќ, портпарол на полицијата на Брчко.