Вечерва со почеток во 20 часот, со балетската претстава „Лебедово езеро“ од П.И Чајковски започнува онлајн емитувањето на оперски и балетски претстави од Националната опера и балет.
Секој вторник е резервиран за балетска уметност, додека секој петок ќе биде термин за оперските настапи. Преку официјалниот Јутуб канал, публика од целиот свет ќе може да ги следите претставите, а секоја од нив ќе биде достапна и 24 часа по првичното емитување.
„Нашата земја, како и остатокот од светот, доживува многу тешко време, и иако не можеме да настапиме пред публика во живо, ние сме возбудени да ги споделиме нашите претстави дигитално и културно да ја поддржиме нашата публика за време на оваа криза“, велат од Националната опера и балет.
Распоредот за дигиталните премиери може да се види на веб страницата на Националната опера и балет.
