Бразилскиот ас Нејмар кога дојде од Барселона во Пари Сен Жермен го потресе фудбалскиот свет со неверонатниот мегатрансфер, но со текот на времето стана огромно разочарување за сопствениците на францускиот гигант, открива „Л’Екип“. Газдите на „Катар спортс инвестментс“ го сметаат ангажманот на бразилскиот напаѓач за најлоша инвестиција во ПСЖ. Сепак, ќе биде многу тешко и да го продадат ова лето, затоа што нема заинтересирани клубови кои се подготвени да ја платат неговата огромна плата.
ПСЖ во 2017 година го собори трансфер рекордот на сите времиња, плаќајќи 222 милиони евра за Нејмар. Вкупната сума потрошена за него надминува 500 милиони евра. Сепак, во овој период ПСЖ не успеа да ја оствари својата цел, освојување на Лигата на шампионите, а Нејмар никогаш не се наметна како голем лидер на тимот.
Сопственици на клубот и денеска веруваат дека Нејмар не е доволно мотивиран и не вложува доволно напори за да ја врати својата врвна форма.
> Сопствениците на ПСЖ разочарани од Нејмар <
