Скопје, 18 јуни 2020
Деструктивните обиди за блокирање и кочење на напредокот од страна на ВМРО-ДПМНЕ не успеаја
ВМРО-ДПМНЕ 11 години ја оддалечуваше земјата од евро-атлантските интеграции, ја претвори во заробена држава, изолирана од меѓународната заедница, скарана со соседите, режимска држава на поделени граѓани, тепани студенти, контролирани медиуми, во која неколкумина од најбогата партија во Европа си ги полнеа џебовите.
По демократските избори режимот беше поразен од граѓаните и конечно државата тргна напред.
Храброста, визијата и државничките политики на претседателот на СДСМ, Зоран Заев, доведоа до потпишување на договорот од Преспа, со кој се реши тридеценискиот спор за името со Грција, историско решение за отворање на иднината на нашата татковина.
Сега Република Северна Македонија е 30-та членка на НАТО. ЕУ донесе позитивна одлука за започнување на преговори за членство на Република Северна Македонија во унијата.
Само на Христијан Мицкоски и ВМРО-ДПМНЕ им пречеше што државата конечно тргна напред и стави крај на темното минато, на режимот и изолацијата.
Христијан Мицкоски и ВМРО-ДПМНЕ го критикуваа Договорот од Преспа и не го признаваа новото уставното име.
Лицемерието на ВМРО-ДПМНЕ и Христијан Мицкоски се покажа и на дело. Истото тоа име, не им пречеше кога нивни пратеници добиваа плати од Собрание на Република Северна Македонија.
ВМРО-ДПМНЕ и Мицкоски се закануваа дека ќе го поништат Договорот и со тоа директно ќе го загрозат членството во НАТО и процесот за зачленувањето во ЕУ.
Со силна поддршка од граѓаните на исправните политики на СДСМ, деструктивните обиди за блокирање и кочење на напредокот од страна на ВМРО-ДПМНЕ не успеаја. Нема да им успеат ниту обидите за враќање на државата назад во времињата на режим и изолации.
СДСМ била отсекогаш и останува на страната на напредокот, додека ВМРО-ДПМНЕ секогаш била на спротивната страна. На страната на режимот, на страната на криминалот, на страната на манипулациите.
Токму затоа, ВМРО-ДПМНЕ на 15 јули ќе биде убедливо поразен.
Центар за комуникации со јавноста на СДСМ
___________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
