Скопското основно јавно обвинителство поведе постапка за едно лице, осомничено за кривично дело -кражба.
Според соопштението од обвинителството, осомниченото лице, на 9 февруари, украло автомобил БМВ 330Д, паркиран на улица „Езерци“, вреден 210.000 денари.
„Откако се уверил дека нема никој во близина, тој влегол преку незаклучената врата на автомобилот и го стартувал со клучот кој бил во возилото, по што го напуштил местото“, објаснуваат од Обвинителството.
На 33 годишното осомничено лице, одредена му е мерка притвор.
