Утрински Весник
Македонија

Скопјанец обвинет за лажна продажба на станови

Скопјанец обвинет за лажна продажба на станови

Скопското основно јавно обвинителство обвиниение против 41-годишен скопјанец поради сторено кривично дело – измама.

Обвинетиот во периодот од 6 мај 2020 година до 5 март годинава, во Скопје, со умисла извршил десет временски поврзани дејствија односно повеќекратно повторување на исто дело, со намера за себе да прибави противправна имотна корист.

Тој довел и држел во заблуда десет лица – оштетени, на кои лажно им прикажувал факти дека како агент за недвижности во своја Агенција за недвижности е овластен од име на сопствениците на станови да ги продава нивните станови на други лица. Обвинетиот ги огласувал становите и ги покажувал за продажба, со што ги навел оштетените да сторат штета на својот имот од поголема вредност.

Со четворица од оштетените, обвинетиот склучувал Договори за капар за станови во градба и наплатувал различни износи, но до Договори за купопродажба не дошло.

Со шестмина оштетени, обвинетиот склучувал Договори за капар и наплатувал различни износи за капарот, а потоа склучувал и Договори за купопродажба во кои без знаење на вистинските сопственици се потпишувал како „продавач“.​

Можете да прочитате

Левица: Владата ги остави без асистенти лицата со попреченост во Источна Македонија

ВРЕДИ се пофали дека Владата дала 50 милиони евра за општините со албанско мнозинство

Идентитетот и јазикот не се дел од преговарачката рамка, вели евроамбасадорот Рокас