Во нов инцидент во кој фудбалер во Серија А бил ограбен, италијанските медиуми јавуваат дека голманот на Џенова, Салваторе Сиригу имал провалници во неговиот дом додека тој бил на теренот при поразот од Лацио вчера.
Според „Ла газета дело спорт“, крадците, знаејќи дека Сиригу не е дома, влегле во неговиот дом во Џенова, и тоа се работи за позната криминална група со прекар „акробати“, кои се прекачуваат преку прозорците, и од домот на голманот си заминале со злато и сребрен накит.
Инцидентот се случува истата недела кога напаѓачот на Наполи, Адам Унас бил ограбен пред својата гаража во Неапол под закана на огнено оружје, додека во Емполи, поранешниот фудбалер на Удинезе, Антонио ди Натале и неговото семејство биле мета на вооружени крадци.
Furto in casa Sirigu: via anelli e bracciali mentre giocava al’Olimpico https://t.co/lCglWMJfCb
— La Gazzetta dello Sport (@Gazzetta_it) December 20, 2021
> Сиригу на терен, крадци во неговата куќа <
