Водата во поплавените населени места се повлекува. Поголем дел од општина Долнени е без електрична енергија, но не поради дефект туку превентивно е исклучена струјата да заштитат луѓето и мрежата, соопштија вечерва од Центарот за управување со кризи.
Екипи од ЕВН се на терен и ја следат ситуацијата, а припепската противопжарна единица работела на испумпување на вода од подрум во маркет во селото Лажани.
До овој момент нема повредени или настрадани.
Поројните дождови во Долнени предизвикаа поплавување во Лажани, Дебреште и Житоше. Во Лажани водата навлегла во педесеттина куќи.
Заради поплавувањето на подрумските куќи беше извршена евакуација на загрозените жители на селото.
Невремето предизвика поплавувања и во Валандово и Тетово.