Во пресрет на почетокот на примирјето меѓу Израел и палестинскиот исламски џихад, вечерва се огласија сирените во неколку израелски градови, меѓу кои и Тел Авив, додека „Џерусалим пост“ пренесува, повикувајќи се на палестински медиуми, дека петмина Палестинци загинале во израелски напад на автомобил во Газа.
Исламски џихад вечерва објави дека најавениот прекин на огнот и примирјето нема да постојат доколку Израел не ја исполни таа милитантна организација.
Примирјето требаше да стапи во сила во 19 часот, но според израелските медиуми, сирени за воздушен напад, освен во Тел Авив, се слушаат и во Ашкелон, Сдерот, Зиким, Холит и во некои други градови.
На некои места паднаа ракети истрелани од Појасот Газа, а израелската армија соопшти дека од почетокот на операцијата Зора во петокот, палестинскиот исламски џихад истрелал близу 1.000 ракети, од кои 160 паднале на територијата на Газа, додека од проектилите кои навлегле на територијата на Израел, 96 отсто ги собориле,пренесе Телеграф.рс.