Серена Вилијамс направи уште еден чекор кон својата 24. гренд слем титула, откако во четврт-финалето на САД опен се врати од сет негатива против Бугарката Цветана Пиронкова за 4:6/6:3/6:2 победа на две тенисерки кои се вратија на спортот по паузата за да станат мајки.
Пиронкова паузираше три години од тенисот откако го доби својот син Александар пред да се врати токму на Флешинг Медоуз, додека Вилијамс исто така има тригодишна ќерка Алексис Олимпија, но таа претходно се врати на спортот по само неколку месеци пауза по пораѓањето.
За место во финалето, Серена ќе се бори со подобриот од дуелот меѓу уште една мајка и поранешна гренд слем шампионка, Белорусинката Викторија Азаренка и белгиската 16. носителка, Елизе Мертенс.
Во второто полуфинале играат четвртата носителка, двократната гренд слем шампионка, Јапонката Наоми Осака и Американката Џенифер Брејди, за која ова е најголем успех во кариерата.
> Серена ја доби „битката на мајките“ со Пиронкова во три сета <
