Серена Вилијамс во вторникот се појави на „Инстаграм приказни“ за да ја сподели веста дека нејзината двегодишна ќерка Алексис Олимпија Аханиан Јуниор е меѓу сопствениците на женски фудбалски тим во најава.
38-годишната тенисерка сподели за своите 12.5 милиони следачи на Инстаграм рамка на која пишува „Горд сопственик на Angel City со фотографии од ќерката и фудбалска топка.
Текстот на објавата гласи: „Нова ера на спорт и забава во Лос Анџелес. Формирање на женски фудбалски клуб. Клубот во најава го носи името Angel City.“
Тениската ѕвезда ѝ остава наследство на ќерката со својот сопруг – технолошки магнат и ко-основач на „Редит“, Алексис Аханиан (37). Тие работеа со актерката Натали Портман и голем број партнери од висок профил за да помогнат во финансирањето на спортскиот тим.
Серена и неколку холивудски ѕвезди решија да формираат фудбалски тим со помош на инвеститори од технолошкиот и медиумски сектор.Натали Портман, Ева Лонгорија, Џенифер Гарнер, Узо Адуба, Америка Ферара, и неколку други ѕвезди се вклучени во проектот. Сопругот на Серена е впишан во листата основачи. Меѓу сопствениците е вбројана и нивната двегодишната ќерка.
