Семејството на аргентинскиот фудбалер Емилијано Сала поднесе тужба против Кардиф сити и неговиот поранешен клуб Нант за неговата смрт во авионска несреќа пред две години.
Кардиф потпишаа договор со 28-годишниот Сала од Нант за 15 милиони фунти и напаѓачот беше на пат до Велс на 21 јануари 2019 година, кога неговиот авион се урна во Ле Манш. Неговото тело беше пронајдено еден месец подоцна, додека телото на 59-годишниот пилот Дејвид Иботсон не е пронајдено. Адвокатите велат дека тужбата е започната за да се „заштитат нивните легални права“.
Дејвид Хендерсон, човекот кој го организираше приватниот лет, во октомври ќе оди на суд со обвинение дека ја загрозил безбедноста на авионот.
„Семејството на Емилијано Сала бара од судскиот вештак да го поправи датумот за својот извештај, со датум близок по судењето на Дејвид Хендерсон. За да се заштитат нивните легални права по смртта на Емилијано, семејството покрена посебен случај, кој ќе зависи од исходот на судењето на Хендерсон“, велат од адвокатската куќа на семејството.
> Семејството на Сала го тужи Нант и Кардиф за неговата смрт <
