Лидерот на Алијансата за Албанците, Зијадин Села, денеска гласаше во струшкото село Ливада.
По гласањето, тој истакна дека политичката партија на власт од албанскиот блок постојано правела притисоци во изминатите денови, а има и информации за многу нерегуларности, уцени, поткуп.
„Денеска, се обидуваат во некои изборни места да направат проблеми. Имаше еден инцидент, ме информираа во Велешта, треба да го прашате командирот на Полициската станица Струга да го пријави инцидентот, а не да го скрие“, рече Села и додаде дека народот сака промена, никој не може да го спречи.
„Промената ќе дојде и граѓаните ќе бидат слободни“, рече Села.
