Седум лица се убиени во пукање што се случило на имот со нелегални насади со марихуана, во рурален дел на Јужна Калифорнија, пренесува Асошиејтед прес.
Сцената на злосторството била откриена кога полицијата добила повик за пукање во Агванга, северно од Сан Диего.
Полицијата пронашла шест безживотни тела на местото на злосторството и една жена која била пренесена во болница поради прострелни рани, каде починала.
На имотот биле пронајдени околу 450 килограми марихуана и неколку стотици засадени стебла на растението.
Полицијата сè уште не ги идентификувала осомничените за злосторството, за кое сметаат дека е изолиран инцидент и не претставува опасност за граѓаните.
