СДСМ и парламентарното мнозинство во континуитет покажуваат дека се на страната на работниците, велат од оваа партија.
„Оттаму, целосно го разбираме барањето на Сојузот на синдикати за деблокирање на законите кои се во интерес на работниците. Работниците со право бараат заштита, а СДСМ и стабилното парламентарно мнозинство се единствената опција за заштита на работничките права“, се наведува во соопштението.
Во него се додава дека парламентарното мнозинство предводено од СДСМ ќе ги исполни барањата на синдикатите и работниците.
„За недела неработен ден, за повисока минимална плата, единствено решение е ново парламентарно мнозинство и Влада предводени од СДСМ и тоа ќе се случи во следниот период“, порачуваат од паритјата и нагласуваат дека блокадите и опструкциите на опозицијата предводена од ВМРО-ДПМНЕ повторно ќе бидат поразени.
