Со 3238 наспроти 1900 гласови, кандидатот на СДСМ, Медат Куртовски го победи кандидатот на ВМРО-ДПМНЕ, Мевмед Џафери за градоначалник на Маврово и Ростуше, изјави претседателот на СДСМ, Димитар Ковачевски од општината во која веќе ја слават победата.
Оцени дека изборите поминале во демократска и достоинствена атмосфера, а граѓаните својот глас го дале за Куртовски бидејќи сакаат општината да оди напред.
Ковачевски го поздрави и опонентот од ВМРО-ДПМНЕ во трката за градоначалник, коментирајќи го заедничкиот придонес во демократските избори и порачувајќи дека од утре ќе треба сите заедно да градат успешна општина.